చిన్ని చిన్ని కవిత

నేను నీకొక చిన్న కవితని రాస్తాను
ఒక చిన్ని చిన్ని కవిత
పిచ్చుకలాంటి
చిన్ని చిన్ని గడ్డిపూవులాంటి
నీ చుట్టూ
పిచ్చుక పిల్లలా గిరికీలు కొట్టే
నీ చుట్టూ
తనతో పాటు వర్షపు ప్రేమను
మోసుకు వచ్చే
పచ్చిగడ్డి పరిమళం లాంటి
ఒక చిన్ని చిన్ని కవితను
నేను నీకు
బహుకరిస్తాను.

దాహార్తులం మనం
మనది కాని ప్రదేశాలలో అలమటించే
కరవు ప్రదేశాలం మనం -

మనం: నక్షత్రాలమి మనం
సూర్యుడి తునకలమి మనం
ఒక మహత్తరమైన వానలో
కరిగిపోయే మనం: మనం.

మనం: ఇంతకు మునుపూ ఉన్నాం
ఇప్పుడూ ఉన్నాం
ఇక ముందూ ఉంటాం: మనం
మంచులా
నిన్ను చీకట్లో కప్పివేసి
పురాజన్మల శాంతిని తెచ్చే
మృత్యువుని ఇచ్చే
ఆమె అరచేతుల్లా

మనం ఉన్నాం
మనం ఉంటాం.
ఇప్పటికీ. ఎప్పటికీ.

Amen.