సూర్యరస్మిలా
నీటి చెలమలో ప్రతిబింబిస్తున్న సూర్యరస్మిలా
అద్దాల తునకలుగా చిట్లుతున్న
నీటి చేలమలా
నువ్వు నా వద్దకి వస్తావు
నువ్వు నా వద్దకి మరలా మరలా వస్తావు
ఒక మరణించని విచారపు ప్రతీకలో
ఇద్దర్ని కలిపే
ఒక సుదూర దూరం నుంచి
నువ్వు వస్తావు
పాపాలన్నిటిలోకీ
పవిత్ర విషయాలన్నిటిలోకీ
బలిపీటం వద్దకు
చేతిలోనూ హృదయంలోనూ
ఒక నీలి పూవుతో వెళ్ళే
అతడి వద్దకి
నా తపన రంగు అంటని
నీ చేయి
మహోన్నతంగా నిలిచిపోతుంది.
ఆ తరువాతా
అంతకు మునుపూ
ఇద్దరు స్నేహితులు తెల్లటి రాత్రిని
తమ నలుపు గీతాలతో
రాత్రంత నలుపుగా ఉన్న
ఒక తెల్ల మల్లెమొగ్గతో
రంగులు వేస్తారు.
wow. andulo antharardham teliyalante chala lothuga alochistene telistundi. excellent ga rasaru. and me title attractive ga, different ga.
ReplyDelete