నేను విన్నాను: గాలికి ఎదురీదుతూ ఎగిరేందుకు ప్రయత్నిస్తున్న ఆ రెండు రెక్కలూ
మనకు పాలు తాపించి మనల్ని బ్రతికించి ఉంచే వక్షోజాలని
ప్రేమ అనేది కలలో వ్యాపించే ఒక పరిమళపు పదం అనీ, నేను విన్నాను. ఇంతకూ
ఆమె వచ్చిందా లేక వెడలిపోయిందా?
నువ్వు సీతాకోకచిలుకల్నీ, గొంగళిపురుగులనీ స్వప్నిస్తున్నప్పుడూ, గొంగళిపురుగుల
సీతాకోకచిలుకల స్వప్నంగా నువ్వు మారిపోయినప్పుడూ
ఒక గీతం నిన్ను తన వెంట వ్యాహాళికి తీసుకువెళ్ళినప్పుడు, నువ్వు ఎవరు? నువ్వొక
గీతంగా మారిన వర్తమానానివా లేక
వర్తమానంగా మారిన గీతానివా? వాళ్ళు ఏమంటారు? జీవించు: ఇక మనం
ఆమె కలకు ఆవలివైపున, తల్లి కలకూ ఇతరుల కలకూ ఆవలి వైపున, అనంతత్వపు కాంతిని
కొద్దిగా రుచి చూస్తాము. ఇక నేనంటావా?
ఊరికే అలా, నీలా, మృత్యువులా ఉత్తినే అలా వెడలిపోతాను.
No comments:
Post a Comment