వృక్షాల నీడలు కమ్ముకున్న నక్షత్రాలు కూడా లేని రాక్షస రాత్రిలో
ఊపిరికి రెక్కలు కూడా లేని ఒక పక్షి
గదంతా నిస్సహాయంగా గిరికీలు కొడుతుంది. నీ అరచేతులలో
సన్నటి నిప్పుని బ్రతికించుకుంటూ వచ్చి
మూలగా మరెక్కడో నీ హృదయపు తాకిడికి తహతహలాడే
పాత ప్రమిదేను వెలిగించు. ఈ రాత్రికి
ఆ సంజకెంజాయ వెలుతురులో నా శ్వాసను అందుకుంటాను.
మరొక్కసారి నీ దయగల పావురపు కళ్ళను
చూస్తాను. మరొక్కసారి నీ చేతులను నా అరచేతుల మధ్య
పదిలంగా దాచుకుని, అలా
నా ప్రాణాన్ని రేపటిదాకా నీ స్పర్స మధ్య బ్రతికించుకుంటాను.
No comments:
Post a Comment