ఇతరులకి ఇద్దరు. 30

నేను ఈ దుస్తుల్ని వెన్నెలతో అల్లుకున్నాను
నువ్వు గాయపడితే
ఒక దారపు పోగును తీసుకుని గాయానికి చుట్టుకో
రాత్రిపూట వీచే గాలిలా
నీకు ఉపసమనాన్ని కలగచేస్తాను
నువ్వు గాయ పడక పోయిన
ఈ దుస్తుల్ని అందుకుని నీ తలగడగా మార్చుకుని
విశ్రమించు. నీ నిదురలోకి
నువ్వు ఊహించని కలలా వస్తాను. చూడు
నేను ఈ దేహాన్ని వెన్నెలతో అల్లుకున్నాను
సూర్యరశ్మి నన్ను ముంచివేసే దాక ప్రేమించు
నువ్వు ప్రేమించకపోయినా కనీసం గాయపరచు
రేపు నీ స్నేహితులు
తూర్పున రక్తంతో మెరుస్తున్న జాబిలిని చూస్తారు.