ఖాళీ ...

పుట మరల్చినట్లు అయిపోతుంది నీ రోజు -

నీ ఎదురుగా ముదురు చెట్టు కొమ్మలు,

మసక బారిన
వెలుతురూ, ఎండి రాలే ఆకులూ -

వెళ్లిపోయారు ఎవరో రాలిన ఆ ఆకుల

మీదుగా, విసురుగా!
నలిగినా చిట్లిన చప్పుడు: అప్పుడు

నీలో! శరీరాన్నిఒక ముద్రణాలయం చేసి

వొంటరి దిగులు రాత్రుళ్ళని, వరసగా

నీలో ముద్రించే,
కనిపించని గులాబీ రంగు చేతులు
పలికే నీటి చప్పుడు, అప్పుడు, నీలో!
***
పుటలే లేనట్లు అయిపోతుంది ఈ రాత్రి –

ఇక తల తిప్పి చూస్తే, మౌనానికి పగిలిన

ఒక పూలకుండీ,
రాలిన మట్టీ, మృతవస్త్రం వలే

ఎంతో తెలుపుగా కోసే మరో పగలు!