ఇప్పుడీ రాత్రి గడిస్తే చాలని నీకు నువ్వు చెప్పుకుంటావు. అయితే
చుక్కలు కూడా లేని చీకట్లో
కత్తులై ఊగుతున్న గడ్డి పరకాలపై కుత్తుకలని కోసుకుంటున్న
మంచు బిందువులు చల్లటి రక్తంతో
నీ అరిపాదాల్ని తాకాక, అక్కడ అలాగే
తటాలున పొలాల చివర తాడి చెట్టు కింద కూలబడి
నువ్వు వెళ్ళలేనంత దగ్గరలో ఉన్న
పాక లోంచి ప్రాణమై మెరుస్తున్న లాంతరు కాంతివైపు చూస్తూ
ఇప్పుడీ క్షణం గడిస్తే చాలని నీకు నువ్వు చెప్పుకుంటావు-
No comments:
Post a Comment