బాటసారీ

నీరు లేక దుమ్ము పట్టి రంగు మారుతున్న ముదురు ఆకుల మధ్య
తలి వర్షానికి వెదుక్కుంటావు నీవు
యుగాల నుంచి పిల్లల కాళ్లలాంటి కాంతి కదలికలు లేక
సిలల్లా మారిన ఆకుల నిశ్శబ్దం మధ్య
నీకై వెదుక్కుంటావు నీవు

పిల్లల తుళ్ళిపడే నవ్వుల జాడ లేని వృక్ష ప్రాంతం ఇది
పదాల పొత్తిళ్ళలో ఒధగాలేని
నల్లటి మంచు కురుస్తున్న, పెదాలు తెగిన మరణం ఇది
బాటసారీ
నువ్వు వెదుకుతున్న స్వప్నాంతపు దారిని కనుగోన్నావా
చెదిరిన నీ ఎదురుచూపుల కళ్ళను
ఏ రెండు అరచేతుల సెలఎరులోనైనా కడుక్కున్నావా
ఏ దేహపు ఒడ్డునైనా చేరగిలబడి
నక్షత్రాలు నెమ్మదిగా సంధ్యా ఆకాశాన్ని చీకటి దారంతో
అల్లటం గమనించావా
బాటసారీ
నీరు లేక, దుమ్ము పట్టి రంగు మారుతున్న లేత ఆకుల మధ్య
తొలి వర్షానికి వెదుక్కుంటావు నీవు
యుగాలనుంచి పిల్లల బాహువులలాంటి కాంతి స్థిరత్వం లేక
శిలల్లా మారిన ఆకుల గుంపుల శబ్దాల మధ్య
నీ నిశ్శబ్దంకై వెదుక్కుంటావు నీవు