మరొక చిన్ని చిన్ని కవిత

నేనొక పూలపాత్రని
నీ అస్తిత్వపు అంచున ఉంచుతాను
దానికి నీరువి నువ్వే
సూర్యరస్మివీ నీవే
ఆ పూలపై కురిసే వర్షానివీ నువ్వే
ఆ పూలను పదిలంగా చూసుకుని
నేను ఎక్కడికి వెళ్ళినా
నేనేం చేసినా
ఒక పసినవ్వులా నను వెంటాడే
పరిమళాన్ని
ఆ పూలకు అందించేదీ నువ్వే -

మరణించడం తేలిక;
జీవించడమే, మృత్యువు అంత
కటినమైనది. నేను
ఇంతకు మునుపే చెప్పాను
ఇదొక చిన్ని చిన్ని కవిత అని -
చూస్తూ ఉండు,

నీకు ధన్యవాదాలు తెలిపేందుకు
నిన్ను ప్రేమిస్తున్నానని చెప్పేందుకూ
ఈ వాక్యం చివర
నీ కలల మరో వైపును కాంచించే
ఉనికి ఒకటి ఉంది.