ఈ దిగులు నీకే తెలుస్తుంది

ఈ దిగులు నీకే తెలుసు

సముద్రపు సారాంశం అంతా మట్టిని తాకి చిట్లుతున్న
వర్షపు చినుకులో ఇమిడిపోతుంది
నిరంతరంగా, కనిపించీ కనిపించకుండా వీస్తున్న
గాలి గాజుల చేతుల అభద్రతా అంతా
వెన్నెల రాత్రిలో ఎగురుతున్న పక్షి రెక్కల కింద ఒదిగిపోతుంది
అనంతపు నక్షత్రాల నిశ్శబ్దం అంతా
ఒక పిల్లవాడి అసంకల్పిత నవ్వు చివర పిగిలిపోతుంది
విస్వాలలో కదులాడుతున్న రహస్య కాంతి అంతా
నిశ్శబ్దంగా సమస్తాన్ని ఎరుకతో గమనిస్తున్న నీ కళ్ళ అంచులలో
ప్రయత్నరహితంగా వాలిపోతుంది
స్పర్శలకు స్పర్శా
పూలకి వేకువా
ఊపిరులకి ఊపిరి
నువ్వు ఇక్కడికి రా
ఈ దిగులు నీకే తెలుస్తుంది.