నన్ను నీ ప్రవాహంతో తీసుకు వెళ్ళు
ప్రశాంతమైన నీ రక్తపు చెలమలో
అతడిని విశ్రామించనివ్వు
నీ అస్తిత్వపు వర్షాసంధ్యాసమయంలో
గిరికీలు కొడుతున్న
పిచ్చుకల రెక్కల శబ్దాన్ని అందరూ విననివ్వు:
నన్ను కూడా కొన్నిసార్లు
మరి కొన్నిసార్లు
నిన్ను
నీ కలల మరో వైపుకి
నా కలల మరో వైపుకి
తీసుకువెళ్ళనివ్వు.
అప్పటిదాకా
ఆ క్షణందాకా
ఇద్దరు ముగ్గురయ్యి
ఒక్కటయ్యేదాక
నిన్ను
కల నుంచి కలకు పారాడే
ఒక ప్రేతాత్మలా చూసేందుకు
నన్ను రాత్రికి శిలువ వేసి ఉంచు.
దయచేసి
అప్పటిదాకా
అతడు
ఆమె ఆఖరి పదాల్ని లెక్కపెట్టే చోట
రాత్రుళ్లన్నిటికీ రాత్రయిన
నా రాతిరి మల్లెమొగ్గ
నన్ను శిలువ వేసి ఉంచు.
అప్పటిదాకా
ఇప్పటిదాకా.
No comments:
Post a Comment