రామ్లెట్

ఆనాడు వేసావు నువ్వొక ఆమ్లెట్
రాముడు మంచి బాలుడు కదాని

మనం మధువుని
ఆకాశపు పాత్రలతో
రాత్రిలో తడిచిన గాలితో తాగినప్పుడు-

కానీ లోకం ఒక సర్పం
అందుకే అది ఇచ్చింది
నీ అమాయకత్వపు హృదయ కాలాలలోకి
ఒక గాయం

చిమ్మింది నీ తెల్లని కనులలోకి
ఒక శోకం
ఒక శాపం-

రామ రామ రామా
ఉన్నావా ఎక్కడైనా
యింకా

రాత్రంతా మనం గడిపిన
ఆ అమృత కాలాల
ఇకిలి నవ్వులలో-?
___________________

రాము వేసిన ఆమ్లెట్ = రామ్లేట్