తను చేసినది

"నీకొక మచ్చల సీతాకోకచిలుకని ఇస్తాను
మరి నువ్వు, ఏం చెసుకుంటావ్ దానిని?"
అని, అని  మాత్రమే
అడిగాడతను తనని-

ఒక
సన్నటి నవ్వుతో, అతి లాలిత్యంగా
దాని మెడను విరిచి, దాని రెక్కల్ని
పూర్తిగా చాపి

గోడలపై, పిన్నులతో గుచ్చి
ఓరిమితో, బహు అందంగా
అలంకరించింది తను: అదే
ఆ తెలుపు నలుపూ మచ్చల, పిచ్చి సీతాకోకచిలుకని-

ఇక ఆ రాత్రి, మరి అందుకే
ఒక రంగుల నీడ
ముందు మోకరిల్లి

నిలువెల్లా ఏడ్చింది
ఒక గొంగళిపురుగు-