నీ ముఖం
ఒక మంచి నీటి సరస్సు అనుకున్నాను
ఎండకూ
లోహ మనుషుల వేడిమికీ వడలిన వదనం కదా నాది
కొంత సేద తీరుదామనుకున్నాను
నీ బాహువులలో కనులు మూద్దామనుకున్నాను-
ఇదేమిటి?
నీటిని ముఖాన చల్లుకుందామని, గొంతు తడుపుకుందామని
సరస్సున ముంచిన అరచేతులలోకి
అలలు అలలుగా నెత్తురూ
వొడిలో వాలిన శరీరంలోకి
నిలువెత్తుగా, నిండుగా దిగిన బాకులూ-
ఏమని అనను దీనిని? ఏమని పిలవను దీనినీ?
No comments:
Post a Comment