నువ్వు యిక్కడ ఉన్నావు కానీ
నీ కళ్ళే ఎక్కడో సుదూరంగా తప్పిపోయాయి
మన ఇద్దరి మధ్యా
ఒక నల్లని నిశ్శబ్ధం-
అలసటగా వాలిన ఒక అరచేయీ
నిస్సత్తువుగా ఆగిన ఆ పాదాలు
మట్టికుండపై అలాగే ఉండిపోయిన
నువ్వు తాగుదామని
ముంచుకున్న నీళ్ళ గ్లాసు
దాని పక్కనే వడలిపోయిన
నిన్ను తాకని మల్లె పూలు
రెపరెపలాడని పరదాలు, చదరపు గదులు
గూటిలో కదలని పావురాళ్ళు
పస్థుతానికి యిదే, ఇవే నువ్వు:
నువ్వు యిక్కడే ఉన్నావు కానీ
నేనే ఎక్కడో తప్పిపోయి ఉంటాను
యిక నిన్ను కానీ నన్ను కానీ
కనుగొని హత్తుకునేది ఎవరు?
No comments:
Post a Comment