రాత్రి తరువాత రాత్రిని మరిచాను
తెల్లవి కాని గులకరాళ్ళని తాకే
అలలలో పాకే వెన్నెల సర్పాలు:
చూడు చూడు నింగిలో ఊయలలూగే
మిణుక్ మిణుక్ చుక్కలు
అవి రాత్రిలో ఎగిరే పిట్టలు
పసి నవ్వులని చూసాను
పసి పువ్వులని చూసాను
రాత్రిని విస్మరించి స్మరించి మళ్ళా
మరొక రాత్రిని నిర్మించాను
కాంతితో
కరుణతో
ప్రేమతో:
ఆ తరువాత ఆ తరువాత తరువాత
అతడు తొలిసారిగా జన్మించాడు
తను తొలిసారిగా జీవించింది.
ఇక నువ్వు మరణించింది ఎప్పుడు?
No comments:
Post a Comment