ఎందుకు

ఎందుకు తొంగి చూసావో తెలియదు

వెనుక నుంచి నిన్ను
వివస్త్రని చేసేది ఎవరో తెలుసునా?

కృష్ణబిలాలలోకి చూపుల్ని విసిరిన
వలయపు పదాలని
నిర్మించిన చేతులని

నమ్మకు
అమ్మకు:


దాచుకున్న కత్తిని ఎవరికీ చూపకు
దోచుకున్న జ్ఞానాన్ని
ఎవరికీ పంచకు:

వాక్యాల్లోని విషాన్ని
విషంలోని వాదాన్నీ
లోకంలోకి చిమ్మకు

నన్ను నిలువునా
వెన్నముకలో చీల్చినది నువ్వని
ఎవ్వరికీ చెప్పను:

కాలాన్ని తెచ్చాను బహుమతిగా

పూలని నులిమిన చేతులతోనే
ప్రేమగా దీనిని అందుకో.