ఎవ్వరూ లేరు. ఎవ్వరూ ఉండరు
ఎదురుచూసే మొక్కలకి
నీళ్ళు పోసేది ఎవరు?
రాత్రిలో దీపం వెలిగించి
నిన్ను తుడిచి కాంతితో
నిన్ను నింపేది ఎవరు?
ఎవ్వరూ లేరు. ఎవ్వరూ ఉండరు
= వేచిచూసే వేచిచూసి
ప్రాణం విసిగెత్తి నీపై నీకు
అలసట కలిగి
విసిరివేయాలి శరీరాన్ని
శరీరంలోంచి తీసి
లాగి లాగి చించివేయాలి
నాలోని నన్నూ
నీలోని నిన్నూ=
దప్పికగొని కళ్ళు తడబడి
పాదాలు విడవడి
తూలుతున్నాను
రాలిపోతున్నాను.
నీళ్ళను అవే నీళ్ళను
ఇన్ని మంచి నీళ్ళను
నేను మరచిన నీళ్ళను
పోయావా నీ పదాలతో
ఈ చిట్లిన చీకట్ల
గొంతులో?
baagundi
ReplyDelete