ఎవరికీ ఇవ్వలేదు. ఎవరికీ
తీసుకు వెళ్ళలేదు
పూలనైనా రాళ్ళనైనా
వాననైనా వెన్నెలనైనా
ఎవరికీ ఇవ్వలేదు
తీసుకు వెళ్ళలేదు
నువ్వు ఉంటావని తెలియదు
నువ్వు లేకపోయినా తెలియదు
లేనితనాన్నీ, లేనితనపు
తనువునీ
ఎలా పట్టుకోవటం?
ఎలా కనుక్కోవడం?
అదే పరిమళం తెస్తోంది
నీ ముఖాన్ని
నా తిరిగే పదాలలో:
జాడని వెదకలేను
నీడలలో మిగిలిపోలేను
వచ్చిపో ఒకసారి.
సమాధిపై పూలు
నిన్నే తలుస్తున్నాయి
వీచే గాలిలో ఆకులలో:
నువ్వు వచ్చావన్న సంగతి
నువ్వు వెళ్ళావన్న సంగతి
ఎవరికీ చెప్పను
ఎవరికీ ఇవ్వను
ఎప్పుడు వస్తావు నువ్వు?
No comments:
Post a Comment