త్వరగా

త్వరగా రా. పుల్లలతో అల్లిన గూటిలో

లేత ఎరుపు రెక్కలతో పావురపు పిల్లలు
నల్లటి ముక్కులతో చూస్తున్నాయి

కదలక మెదులతో కళ్ళలోని లోకాన్ని
చూపిస్తున్నాయి పిల్లలకీ
పిల్లలతో నిలబడ్డ తల్లికీ=

గింజలతో తల్లి తల్లితో గాలీ
గాలితో రాత్రీ రాత్రితో శాంతీ

ఎక్కడ ఆగిపోయి ఉన్నాయి
ఇవన్నీ? ఇవి అన్నీ? త్వరగా

రా: అద్దంలోంచి అద్దంలోకి
ప్రయాణించే అపరిచితుడు

తన తనువుకై తన గాజు దుస్తులను
మార్చుకునే వేళయ్యింది.