మన్నించు: అంటే ఏమిటి?
మన్నన లేని నాలికపై
మనుగడలేని గృహాలు: శిధిలాలలో
శిధిల కర్మాగారాలలో
నయన ముద్రణాలయాలు.
మాట్లాడకు: రెండు కాగితాల
మడతలలో ఒక పదం
శతాబ్ధాల నేరం. నువ్వూ లేవు
నేనూ లేను. ఎటూ ఎటువైపు.
తరువాత అతడు
అతడి తరువాత అతడు
ఆమెనే రాసాడు ఎప్పటికీ
ఆమెనే రాస్తాడు ఇప్పటికీ=
ఇక ఎవరూ మన గురించి
అస్సలు మాట్లాడలేదు:
వెళ్దామా మనం ఇక
మన్నిక లేని ఈ
మన్నించుల మతాల నుంచి?
No comments:
Post a Comment