గోవిందా, గోవిందా

నీళ్ళే లేవు, ఖర్జూరపు పళ్ళు నీ దాహాన్ని ఎటూ తీర్చలేవు

గుడారమా? అదెలాగూ
నిండిపోయింది, మరే
నువ్వెక్కి వచ్చిన ఒంటెతోనూ, దాని ఒంటేలుతోనూ - ఇక

బయటకి పాక్కుంటూ
వచ్చి, ఈ తుఫానులో
చచ్చీ , చెడీ హతవిధీ అని అనుకుంటో నువ్వేం చేస్తావు మరి?

లాగులిప్పుకుని, ఇక ఈ
ఇసుకలో ఈడ్చుకుంటూ
హోహోం హోహోం అంటూ, నిన్ను నువ్వే పాడె కట్టుకుని పోతా

ఉంటే , మరే, ఈ పదాలు
పెట్టిన పిండం కోసం మరి
ఆకాశమంతా కాకులు, తెరలు తెరలుగా 'కావ్, కావ్, కావ్...'

మని, మనీ, ఎనీ కీర్తి ఇక
ఎనీ టైం ఎనీ ప్లేస్ అంటే-
ఒరేయ్! ఇప్పుడు చెప్పు

రాస్త్తావా నువ్వు, కవిత్వం మళ్ళా ఎన్నడైనా ఎక్కడైనా ఎందుకైనా?