Bacardi bum

వొళ్ళంతా తీగలు, నీటి తీగలు అల్లుకుని, లోనికి సర్రున దిగుతూ ఉంటే, శరీరం సుర్రున జలదిరిస్తోంది. 

అరచేత్తో ముఖంపై నీటిని తుడుచుకుని, చీకట్లో కనీ కనిపించని రహదారిపై 'ఉంటానో, ఊడతానో ' అని అనుకుంటో, నేనసలే మా గుడ్డి మాలోకాన్ని కదా, ఈ చిన్ని చూపుల కళ్ళజోడుతో, ఈ తెల్లని అపాచీ అశ్వాన్ని వానలో అధిరోహించలేక, లేకుండా ఉండాలేకా 

ఎలాగోలాగా ఆ అపరాత్రి ఇంటికి 'చచ్చి బ్రతికితిరా' అనుకుంటో ఈదులాడుకుంటూ వచ్చీ వచ్చీ, వచ్చీ వచ్చీ, మరిక 

తల తుడుచుకుంటో, ఆగలేక, వంటింట్లోకి వెళ్లి, దాచుకున్నగూట్లో చూస్తే ఒక ఖాళీతనం- అతి భద్రంగా దాచుకున్న బకార్డీ బాటిల్ కనిపించక దాని కోసం వెదుకుతూ ఉంటే, ఎప్పుడూ లేని ప్రశాంతత కదులాడుతున్న గదులలో ఎన్నడూ లేనిది, పదకొండు గంటలకే పడుకున్న పిల్లల అర/దొంగ నిద్రల లోంచి

నడిచొచ్చి నెమ్మదిగా తను 'ఇందాక

అనుకోకుండా పడేసారు పిల్లలు' అని

తాపిగా చెబితే, అప్పుడు నమ్ముతావు నువ్వు ఖచ్చితంగా, విరక్తిగా- హతవిధీ ఇక 

దేవుడినీ, నరకాన్నీ, పాపాలనీ శాపాలనీ, ఖర్మనీ- ఆహ్ ఇదంతా నా తలరాత అనుకుంటో, గతిలేక, ఇటువంటి రాతలు రాసుకుంటో- అది సరే కానీ 

By the way, could you lend మీ,
(A) couple of shots
Of whisky or/
Vodka/

To this romantic/bombastic
Bacardi bum
Of the night?