గదంతా నువ్వు లేని గాలి
నిన్ను తాకిన సూర్యరశ్మి
లేదు ఇక్కడ, ఎక్కడా
పెదాలు లేని వస్తువులు
రంగులు లేని బొమ్మలూ
ఇంటినిండా=
గోడలని తాకి చూపులు
తిరిగి ప్రతిఫలిస్తున్నాయ్
అద్దాలు చిట్లిన
పదాలు లేని
నేత్రాలనే
ఇక్కడే ఎక్కడో నువ్ ఉండాలి
మౌనంగానో, కోపంగానో
నిశ్చలంగానో, నిర్విరామంగా
కదులుతూనో
ఎప్పుడైనా ఎక్కడైనా
నువ్ ఉండాలి:
గదంతా నువ్ లేని గాలిలో
ఊపిరాడక కిటికీ అంచున
ఓ సీతాకోకచిలుక రాలిపడింది
ఇప్పుడే. రా త్వరగా. నువ్ లేక
నువ్వు లేని మరో
మృత్యువు లేదు=
No comments:
Post a Comment