జరిగిపోతున్నాం దూరంగా
ఇక మొదలవుతుంది ఒక
ఎడబాటు గీతం భారంగా
ఇక ఈ రాత్రికి నేను
నీ రక్తాన్ని వినలేను కాబట్టి
నిన్ను తలచి మదిని మలిచి
తల ఎత్తి అక్కడ
మేఘమాలికలు ముళ్లై
జాబిలిని చీరేస్తున్న చోట
రాలిపోతాను:
నువ్వు ఊహించినది సరి
అయినదే: మన
ఇద్దరి మధ్యా కాలిపోయినవి
తల దాచుకునేందుకూ
రెండు కళ్ళు కప్పుకుని
రోదించేందుకూ
స్థలమూ లేదు.
సమాధీ లేదు.
సరిగ్గానే ఊహించాను నేను
ఎడబాటు ఒక నలుపు గీతం:
విడిపోవడంతోనే
మొదలవుతుంది అది=
(విన్నావా నువ్వు
తెల్లటి దంతాలతో నవ్వుతోన్న
ఆ నలుగురి వికృత
ఆనందాన్ని?)
No comments:
Post a Comment