కావాలా/ నువ్వు

కావాలా నువ్వు
పిల్లలకీ స్త్రీలకీ?

నీ లోకం లేదిక
నీ లోకం నీ కాలం

లేదే లేదిక, రాదిక

గోడపై పిల్లలు గీసిన
రంగుల వంకర గీతల్లో
వాళ్ళు రాయని

పదం నువ్వు. ప్రేమించలేవ్
పిల్లలని. కామించలేవ్

కనీసం స్త్రీలని: కలలో మెరిసే

వీధులలో, వీధులలో ఎదురుపడే

శిధిల ముఖాలలో, కళ్ళల్లో

తిరిగే మృతులకి కావాలి
నువ్వు, నీ నిశ్శబ్దాలు:

అన్నీ ఉండి ఏమీ

లేదిక్కడ:

వెదుకుతూ నిన్ను

వెంటాడే పిలుపులో

దాగిన స్మితవదనం

ఎవరిదో చెప్పు?