రంగుల వర్షం కురుస్తోంది
నిరవధికంగా
పాలరాతిని నీ నాచు ఛాతిని
ఏ చినుకూ తాకలేదు
శిలలైన ఆకులు నీ కళ్ళు
వీచే గాలి నీది కాదు
వెళ్ళే కథ నీది కాదు
అరణ్యాలలో శిధిలాలు
నీటిగర్భాన చలించే
నగరాలు
ఏ ధ్వనీ ప్రతిధ్వనీ
తాకింది నిన్ను?
ధగ్ధమయ్యే గూటితోటలో
మిగిలిపోయిన
చిలకలు వాళ్ళు.
చిన్నారులు వాళ్ళు
చీకటి చుట్టుకున్న
చిరుదీపాలు వాళ్ళు.
తేలుకుంటూ వస్తోంది
మృతవనాలకుపైగా
నువ్ తాకని చర్మం .
గుర్తుపట్టావా
చెట్ల మధ్య ఊగిసలాడే
గాలి ఎలా
మౌనంగా
మారుతుందో?
No comments:
Post a Comment