ఊగుతున్నాయి చెట్లు లోపల
అశోకా వృక్షాలపై సాయంత్రపు
వలయాల కాంతి
చర్మం పిగిలి ఎగిరిపోయేటట్టు
వీస్తోంది గాలి లోపల
అదే గాలి. గత జన్మలో నిను
తాకిన హిమవనపు గాలి
నారింజ తొనకల ఆకాశంలోంచి
దిగి వస్తుంది
ఒక పురాతన స్మృతి. అది
నిన్ను దహించివేస్తుందా
అక్కున చేర్చుకుంటుందా?
అప్పుడే చెప్పలేను
మరొక వాన కురియబోతోంది
లోపల. కళ్ళంతా జల్లు
ఒళ్లంతా విచ్చుకుంటున్న
దిగులు పూలు
ఎక్కడికి వెళ్ళావ్ చెప్పకుండా?
Today moreover I had the same feelings co-insidently
ReplyDelete