మరులుతోందక కన్ను నీ వైపు
కదులుతోందొక చేయి సర్పమై
నీ మెడ చుట్టూ
ఊపిరి:జ్వలించే ఊపిరి వ్యాపిస్తోంది
రగులుకున్న అరణ్యమై
నీ నడుము చుట్టూ
చిట్లుతోంది దేహం విత్తనమై
ఆర్చుకుపోతోంది నాలిక
ఎడారియై
తపించిపోతోంది హృదయం
రాలిపోతోంది నీ శరీరంపై
బింబమై,మానని గాయమై=
అందుకనే వొదిలి వేసాను
ప్రమాద సూచికను.
అందుకనే నలుగురిలో
నవ్వుల పాలయ్యాను.
మధుశాలల్లో పాత్రధారిగా
రూపాంతరం చెందాను.
స్నేహితులను గాయపరిచాను
శత్రువులను ఆదరించాను
అదమరిచాను. రాత్రి పొదలకు
నిప్పంటించి నిన్ను స్మరించి
పగటిలో నిస్పృహతో నిద్రించాను
పలుమార్లు మరణించాను=
ఇక విస్మృతికి స్మృతివైపు మరలే
మరో కన్ను ఎప్పటికీ దొరకదు.
No comments:
Post a Comment