తేలిపోతున్నాయి ఆకులు
అలలుగా
నువ్వు ఎక్కడ?
***
ప్రధమ పదాన్ని తాకిన
ప్రధమ పాదం
ఇక నీ పెదవి విచ్చుకుంటుంది
అక్షరం ముంగిట
మల్లెమొగ్గల నవ్వుతో
***
ఆకాశం నిండా మబ్బుల
బాతులు
మైదానం నిండా మెరిసే
చెట్లూ, కొమ్మల్లో
కోతులు, నీటిలో చేపలు=
వాన వచ్చే వేళయ్యింది
వేచిచూసే తల్లితండ్రుల
హృదయాలంతా
చిత్తడి చిత్తడి
చిందర వందర
కనులలో
ఎదురుచూపుల
పూల వాన
***
ఒళ్లంతా ఆకుపచ్చ రంగు
దుస్తులంతా దుమ్ము
మరికాసేపట్లో ఎగురుతాయి
పక్షులు
కేకలతో కిలకిలరావాలతో=
ఇక సూర్యుడు
చిన్నబుచ్చుకునే సమయం
ఆసన్నమయ్యింది=
***
తేలిపోయాయి ఆకులు
అలలుగా
నువ్వు ఎక్కడ?
మళ్ళీ బడికి వెళ్ళడం మొదలైన పిల్లల చిత్రాన్ని అందంగా ఆవిష్కరించారు...
ReplyDeleteఈ వేళ బాగుంది
ReplyDeleteకనులకు ఇంపుగా
మనసుకు ఆహ్లాదంగా
తొలకరి జల్లులకు తడిసి
ఎగిరే పక్షులవెనుక
తేలియాడుతూ
ఎక్కడో ఒకచోట వుండాల్సిందే!
అభినందనలు