కొండను తీసుకువెళ్ళే నల్లని
మబ్బులు. పచ్చికలో
పరిగెత్తే తెల్లని పిల్లలు. నల్లని
చందమామలు
సంధ్యాకాశం విసిరిన వర్షపు
వలలో: హృదయమంతా
కురుస్తోన్న వెన్నెల జల్లు:
అవును. ఇప్పుడే నువ్వు
ఒక వస్త్రంతో పరిగెత్తుకుంటూ
పిల్లల వద్దకు వెళ్ళాలి
తడవకుండా వాళ్ళని ఇంటికి
చేర్చాలి: వాళ్ళతో పాటు
పూలను తెంపిన తన
చేతివేళ్ళలోకీ
నునువెచ్చని
బాహువులలోకీ
ఇంకో జన్మలోకీ
మౌనంగా ఒదిగిపోవాలి.
No comments:
Post a Comment