నిలకడగా లేని ఒక అద్దం ఊగుతోంది యిద్దరి మధ్యగా
నా ముఖంలోంచి నీ చూపూ
నీ చూపులలోంచి నా చూపూ
దాటుతున్నాయా అంచుల హద్దులని?
నిలకడగా ఉన్న కళ్ళకీ
నీరింకిన మన పదాలకీ
నిలకడగా లేని ఈ నీళ్ళకే తెలియదు
ఆ అద్దం ఎటువైపు ఉందో
అవి కన్నీళ్ళో కావో, అవునో:
యిక ఆ రాత్రి ఇద్దరికీ మిగిలాయి
అత్యంత ఆప్తంగా, అతి ప్రియంగా
ఒక అద్దపు ఆవులింత
ఒక మహా అద్దపు నిద్రా
ఒక మహా అద్దపు కల (మరణంగా)
తదానుగుణంగా-
No comments:
Post a Comment