ఇష్టం నువ్వంటే చాలా
అందుకే ఏమీ చెప్పలేను
ఎదురుగా చిట్లే ఎండ
నీళ్ళతో కళ్ళని కొస్తుంది పదునుగా, ఉప్పగా
మనం మాట్లాడుకోనిది ఆ నీళ్ళ గురించే
కన్నీళ్ళ గురించే, ఇష్టం గురించే
గుంపులుగా ఆకులు రాలే
అలలుగా ఎడారులు తేలే
ఈ తెల్లటి తేళ్ళ మధ్యాన్నంలో, వాటి తియ్యటి విషంలో
నువ్వంటే చాలా చాలా ఇష్టం
అందుకే ఏమీ చెప్పలేను యిక
అందుకే ఏమీ రాయలేను ఇక. ఇకందుకే
మూసివేయి నా కాంతిద్వారాలను
నీ చీకటి హృదయమందిరంలోకి
ఒక మధుపాన నిద్రగా విస్మృతిగా ఆత్మరహితంగా-
యిక ఈ నాటి తరువాత నా ఇష్టాన్నీ
నిన్నూ తిరిగి నేనెప్పుడూ ఇష్టపడను-
good one sir.
ReplyDelete