కూర్చుంటావు కదా
పాపం, రాత్రంతా
నీ స్నేహితులతో
కొంచం పలచన చేద్దామనీ
ఈ లోకంనీ
ఈ కాలంనీ
కొంచం తేలిక చేద్దామనీ
ఈ శరీరపు
బరువు నీ
హృదయపు
దిగులునీ నీ
అంతిమ ఆదిమ తపననీ
ఈ నీ జీవితం యిచ్చిన
నెత్తురు వెదురువనపు
విరహపు వేణుగానాన్నీ
యిక చూడు ఆ
జాగ/రణ రాత్రి తరువాత
మిగిలిన మత్తు పగలంతా
ముప్పొద్దులా
వేసుకుంటావ్
ఎప్పటికైనా తగ్గుతుందని
ఆరు వెన్నెల చినుకులు
నోటిలో గొంతులో
తిరిగి చుక్కలు చక్కగా
నీ రాత్రిలో మెరిసేదాకా-
No comments:
Post a Comment