నా కపిలం అను సొంత డబ్బా

డమరుకం వలె డం డం డం డమ డమ డం
దివారాత్రులంతా జుం జుం జుం

ఆత్మ ఉన్నదో లేదో తెలియదు కానీ
ఆత్మ జ్ఞానా జ్ఞానం ఎంత యున్నదో
నీ మహా వానరపు బుర్ర నిండా - యిక వెయ్యిరా వెయ్

పదిమంది ముఖాల నిండా
నువ్వనేది లేదనే నువ్వైనా
మహా సర్వసుందర అబద్ధాన్నీ, రికామీ రిక్త పదాలనీ

కీర్తి మృదంగ కులాలనీ మతాలనీ
అంతిమ ప్రాంతాల ఆదిమ సత్యాలనీ - వెయ్ రా వెయ్
ఎగిరెగిరి వెయ్ తిరిగి తిరిగి వెయ్ తిరుగాడుతూ వెయ్
వెనుదిరుగుతూ వెయ్, వెయ్ వెయ్ వెయ్

డం డం డం జుం జుం జుం
జుం జుం జుం డం డం డం

యిక నిన్ను ఆపేదెవరు
యిక నిన్ను లేపేదెవరు?
All Hail - You are the New King in town!