గ్రహణం

దేహధారి వైనందుకు దేహం దొరకదు
పాత్రధారివైనందుకు ముఖం దొరకదు

ఈ దినాలూ ఆ దినాలూ ఆలుపు లేక తిరిగినా స్నేహ వాంఛవైనందుకు
ఒక స్నేహితుడు దొరకడు

మృత్యువు వరకు సాగినా
ప్రాణధారి వైనందుకు 
ఒక ఆ పదం దొరకదు-

నలుమూలలా నిన్ను వెదికి గాలించి శోధింఛి, నిన్ను శుభ్రపరిచే ఒక 
మహిమాన్విత స్త్రీ దొరకదు 

ఇక కడవరకూ ఛాయ లేని గోడలపై ఈ నీడలే, పక్షులు వొదిలివేసిన
గూళ్ళే, వడలిపోయిన సంధ్యలే.

ఇక మిగిలింది అంతా బ్రాంతి బ్రాంతి, బ్రాంతి- ఈ శాంతి.

తప్పుకో ఇక్కడ నుంచి. రాలిన పూలను ఏరుకుంటున్నాను.