ఉదయాన్నే ఇంత కాంతిని అరచేతుల్లోకి తీసుకుని
కళ్ళని కడుక్కుంటావు నువ్వు: సరిగా అప్పుడు మరి
అరుస్తాయి గూళ్ళలోని పక్షిపిల్లలు. కదులుతాయి వంటగదిలో
మరి గాజులు, పొయ్యి వద్ద నిప్పులతో. మెరుస్తాయి మంచంలో
బద్ధకంగా పిల్లల ముఖాలు. ఇక ఒదుగుతోంది ఎక్కడిదో గాలి
వలయమై ఆకుల హొరై ఆపై గుసగుసలై ఈ గదులలో-
ఎండ వాలిన నేలపై ఆగి, దాని రెక్కల కింద ఒక అద్దాన్ని ఉంచుకుని
కూర్చుంటావు నువ్వు ఇక ఒక షేవింగ్ బ్రష్తో
సముద్రాల నురుగనంతా రాసుకుని-
ఇక అప్పుడు, వాన వాసన వేసే చేతులతో, తెల్లటి కళ్ళతో
చెంపలపై నుంచి కత్తిని దూస్తుంది తను, వేసవి కాలంలో
ఎండలో వచ్చిన మనిషికి గ్లాసెడు చల్లటి మంచి నీళ్ళిచ్చి
పక్కన కూర్చుని విసెన కర్రతో గాలి విసిరినట్టు- ఇక
ఏమీ లేదు ఈ పూటకీ, ఈ అక్షరాలకీ: నిమగ్నమై ఇష్టంతో
గడ్డం చేసుకోవడమే ధ్యానం మోక్షం-పుణ్యం పరమార్ధం.
మరి ఇక ఆ తరువాత
ఈ గొంతు తెగితేనేమీ, ఇక ఈ ప్రాణం ఉంటేనేమీ పోతేనేమీ?
కళ్ళని కడుక్కుంటావు నువ్వు: సరిగా అప్పుడు మరి
అరుస్తాయి గూళ్ళలోని పక్షిపిల్లలు. కదులుతాయి వంటగదిలో
మరి గాజులు, పొయ్యి వద్ద నిప్పులతో. మెరుస్తాయి మంచంలో
బద్ధకంగా పిల్లల ముఖాలు. ఇక ఒదుగుతోంది ఎక్కడిదో గాలి
వలయమై ఆకుల హొరై ఆపై గుసగుసలై ఈ గదులలో-
ఎండ వాలిన నేలపై ఆగి, దాని రెక్కల కింద ఒక అద్దాన్ని ఉంచుకుని
కూర్చుంటావు నువ్వు ఇక ఒక షేవింగ్ బ్రష్తో
సముద్రాల నురుగనంతా రాసుకుని-
ఇక అప్పుడు, వాన వాసన వేసే చేతులతో, తెల్లటి కళ్ళతో
చెంపలపై నుంచి కత్తిని దూస్తుంది తను, వేసవి కాలంలో
ఎండలో వచ్చిన మనిషికి గ్లాసెడు చల్లటి మంచి నీళ్ళిచ్చి
పక్కన కూర్చుని విసెన కర్రతో గాలి విసిరినట్టు- ఇక
ఏమీ లేదు ఈ పూటకీ, ఈ అక్షరాలకీ: నిమగ్నమై ఇష్టంతో
గడ్డం చేసుకోవడమే ధ్యానం మోక్షం-పుణ్యం పరమార్ధం.
మరి ఇక ఆ తరువాత
ఈ గొంతు తెగితేనేమీ, ఇక ఈ ప్రాణం ఉంటేనేమీ పోతేనేమీ?
baagundi
ReplyDeleteఏమీ లేదు ఈ పూటకీ, ఈ అక్షరాలకీ: నిమగ్నమై ఇష్టంతో
గడ్డం చేసుకోవడమే ధ్యానం మోక్షం-పుణ్యం పరమార్ధం.
మరి ఇక ఆ తరువాత
ఈ గొంతు తెగితేనేమీ, ఇక ఈ ప్రాణం ఉంటేనేమీ పోతేనేమీ?
u r going beyond telugu poets
ReplyDelete