ఏం చెప్పొద్దు నువ్వు
రాలిన కళ్ళను తీసి రాత్రిలో, రాళ్ళల్లో నాటాను
అరచేతిలోంచి ఓ కల రాలిపోయింది
రెండు చేతుల మధ్య నుంచి ఒక శరీరం తొణికిపోయింది
నుదిటిపై లోతుగా దిగిన నీ పెదాల ముద్ర
నిరంతరం నెత్తురు చిప్పిల్లే త్రికాలాల శిక్ష
ఇక ఏం చెప్పొద్దు నువ్వు
ఆనాటినుంచే రాత్రి, కన్నీళ్లు చిందే ఒక రాయిగా
నా హృదయంలో నిదురించడం మొదలయ్యింది
ఇక ఏం చెప్పగలను?
No comments:
Post a Comment