వేయి నాలికల నాగు తిరుగుతోంది
పదాలలో: నాదా నీదా?
ఎక్కుతావు మెట్లు
మెట్లు మెట్లుగా ఆకాశంలోకి
తుంపుకు వద్దామని
పూవుల మబ్బులని
చినుకుల చిత్రాలని
అందాయా అవి పాపం నీకు
పవిత్ర పాపివైన నాకూ నీకూ
కొన్నే పదాలు
కొన్నే శబ్ధాలు
కొన్నే కొంతకాలం మన్నే
ని/శబ్ధాలూ?
ఏకదంతం మొలిచిన
జ్ఞానదంతంతో నాలికతో
నీ అక్షర కీర్తికీ
నీ అస్పష్ట పద కాంతికీ
ఎల్లలు లేవు
పద పద పద
అధముడు నిద్ర లేచే
అనాగరిక సమయం
ఆసన్నమయ్యింది.
No comments:
Post a Comment