పాత్ర నిండా నీళ్ళు, నీళ్ళ నిండా నీ ముఖం
నా అరచేతులలో నీ చిరునవ్వు అలలుగా
అలలు అలలుగా తొణికిసలాడుతుంది
"ఏం చేద్దామంటావు ఇప్పుడు?"
ముఖంలోంచి ముఖాన్ని తీసి, పదాల్ని
పెదాలపై రాస్తూ అడుగుతావు:
శీతాకాలపు సాయంత్రం. చెట్లనిండా తిరిగి వస్తున్న
నల్లని కాకులు. చలి దీపాలతో రాబోయే రాత్రి.
గుండెలో కొద్దిగా దిగులు గొంతులో కొద్దిగా వొణుకు
కనులలోనే ఎక్కడో కనిపించని ఆకులు కదులాడాయి
మనలోనే ఎక్కడో మనకు తెలియని
పచ్చిపూల నిశ్శబ్దాలు వినిపించాయి
ఇక ఏమీ చేయలేం ఇప్పుడు
ఒకరినొకరు కౌగలించుకుని
ప్రేమించుకోవడం మినహా=
baagundi sir
ReplyDelete"ఏం చేద్దామంటావు ఇప్పుడు?"
ReplyDeleteముఖంలోంచి ముఖాన్ని తీసి, పదాల్ని
పెదాలపై రాస్తూ అడుగుతావు:
super good lines. I just loved it.