రాతిరీ, పగలూ తనువూ అణువణువూ
వాడిపోనిదేదైనా ఇవ్వాలనే నీకు
వానలు కురిసే దినాలలో, వేడిమి ముఖాల్ని
చించివేసే వేళలలో, మంచుమారుతాలు
హృదయాలని వొణికించే కాలాలలో నీకు
వాడిపోనిదేదైనా ఇవ్వాలనే, ఉంచాలనే:
మనస్సులు దిగ్బంధనం అయ్యే సమయాలలో
కనులు తడితడిగా జారిపోయే క్షణాలలో
అరచేతిలోంచి అరచేయి వీడిపోయి దూరం అయ్యే
వీడ్కోలూ వేడ్కోలూ అయ్యే లోకాలలో
వాడిపోనిదేదైనా ఇవ్వాలనే నీకు, ఉంచాలనే నీకు
హరివిల్లు రెక్కలతో ఎగురుతోంది ఒక పాలపిట్ట
నీ చుట్టూతా, నీ తనువు చుట్టూతా
లిల్లీ వనాల పరిమళం కమ్ముకుంటోంది నువ్వు
అడుగిడిన ప్రతి చోటా: ఒక కమ్మనైన చీకటి గాలి
వీస్తోంది నువ్వు పలికిన ప్రతి మాట వెంటా
సరైన సమయం ఇదే ఇచ్చేందుకు నీకు
వాడిపోని నిన్ను వీడిపోని ఒక చిన్ని చిన్న బహుమతి
అందుకో నీ అద్దంలోంచి నన్ను దాచుకున్న ఈ
ఆ పుష్పగుచ్చపు ప్రతిబింబాన్ని=
machi kavita. meeru language ni use chesina vidhaanam chaala baagundi.
ReplyDelete"వేడిమి ముఖాల్ని చించివేసే వేళలలో" ilaanti phrases oka poetic shock lo vodilestaay...atuvanti vi deenilo chaala unnay.
I love that technique very much.
ThanQ uncle