స్థ. బ్ధ. త.

.స్థబ్దమయ్యింది. లోపల. నలుపు. అంతటా. చూడు.   

చిమ్మచీకటి వీచే వేళయ్యింది
పూలు రాలే కాలమయ్యింది
అరుగు మీది ప్రమిదె కాంతిలో నీ చూపులు 
ధగ్దమయ్యే క్షణమయ్యింది.
మరి 

అరచేతులు అల్లాడే వేళయ్యింది
కళ్ళు రాళ్లయ్యే  కాలమయ్యింది
రాళ్లు  వానయ్యే క్షణమయ్యింది
మరి 

శరీరం మంచుపొగయ్యే కాలం ఆసన్నమయ్యింది. 
దీపపు మంట వొణికి వొణికి, తనని తాను 
వొదిలి వెళ్ళే వేళయ్యింది. సరిగా అప్పుడే 
ఇక ఏమీ చేయలేక  

తటాలున కదిలి, ఒక పాత్ర నిండా 
మట్టికూజాలోంచి నీళ్ళు వంచుకుని 
నింపాదిగా తాగుతూ కూర్చుంటావు 

నువ్వు.