దిగులు చెందకు

చల్లని చీకట్లో, ఈ అశోకా వృక్షాలపై మెరుస్తాయి కాంతి చుక్కలు
     నారింజ రంగు వెలుతురులో: పైనేమో ఒక వెన్నెల తుఫాను
     పచ్చికలో కూర్చున్న యువ జంటలో
     నువ్వేమైనా ఉన్నావేమో, తిరుగుతూ
     తిరుగుతూ నీవైపు వచ్చి నిన్ను తాకే
     ఆ పసి నవ్వూ ఆ పసి స్పర్శా

ఇక అవే నువ్వు ఈ పూటకి చేసుకున్న అదృష్టం. తాకిన వాళ్ళని
     వొదలలేక అలా నిలబడిపొతావు నిశ్చలమైన ఉద్యానవనంలో
     చల్లటి చీకటిలో, ఆ అశోకా వృక్షాలతో వొంటరిగా మిగిలిపోయిన
     యువకుడితో, అతని చేతుల మధ్య ఆరిపోయిన తన స్పర్సతో:

దిగులు చెందకు. చివారఖరికి మిగిలే ఉంది నీతో
నీ తడపడే  అడుగులకు తోడుగా
మంచుకి తడిచిన ఒక చిన్న కప్ప.