ఒక దినం

కాలి మసి పట్టిన కుండలా కడుపు మారినప్పుడు
కనులు ఎరుపెక్కి ముఖం దుమ్ముతో నలుపయ్యి
పగలంతా తిరిగి  తిరిగి
పగలంతా విసిగి విసిగి
పగలంతా విరిగి విరిగి

నీ శరీరాన్ని సప్పలు సప్పలుగా నరుక్కుని విపణిలో
అమ్ముకుని, ఇక ఇంటికి
నువ్వు వచ్చి వాలిపోయి

ఆ చీకటి కాంతిలో, ఆ చల్లటి నీడలో ఆ చీకటి గాలిలో
ఒక బీర్ బాటిల్తో కూర్చోవడం
నీకు నువ్వుగా
మిగిలి ఉండటం

తప్పేమీ కాదు - నాహిద్. చూడు: నీళ్ళు తగిలి
నీ శరీరంలోంచి మొలకెత్తిన ఆ
మొక్కల మధ్యా లతల మధ్యా

నీళ్ళు నిండిన నీ ఎర్రని మొగ్గల కళ్ళ కిందా ఎలా
వొణికి వొణికి ఏడుస్తున్నాడో నీ జోర్భా!