ప్రేమికులు

"What if I slept with somebody else
In front of you?" అని తను అడిగింది.

కొంత గాలి అతని ముఖాన్నీ, తన శిరోజాలనీ
చెరుపుతుండగా, సన్నగా నవ్వుతో
తల వంచుకుని మధుపాత్రని ఖాళీ
చేస్తో అతను అంటాడు:

"It doesn't matter.
It really doesn't matter
నువ్వంటే నాకు ఇష్టం.
As long as you are here with me
It really doesn't matter anymore."

ఇక కొంత రాత్రి ఇద్దరి మధ్యా, లోపలా బయటా
ఊట వలే ఊరితే, చెమ్మగిల్లిన
తన కళ్ళలోంచి కొంత కాంతిని
తన అరచేతుల్లోకి తీసుకుని
ప్రమిదెలవల్లే  వెలిగించుకుని

తనని ఆనుకుని కూర్చున్నాడు, తెల్లటి గంజాయి పొగతో

ఆకలికి డోక్కుపోయిన తమ ఇద్దరి కడుపులకీ
మూడు గర్భస్రావాలైన కడుపుతో ఇక మళ్ళా
తనే పడుకోవాలి ఎవరితోనో ఒకరితో అని తెలిసి

పిడికిలంత అన్నం కాలేని
గుప్పెడంత హృదయాలతో

ఆ ఇద్దరూ అక్కడ, కొంత అనాసక్తితో కొంత నిస్సత్తువుతో:

ఇక అప్పుడు, ఇక ఆ క్షణాన
Does it really matter
What love is anymore?