సరళత

రాత్రి అయ్యింది. నువ్వు లేవు
గదిలో నీడలు,
ఊయల్లూగే పూలబుట్టలు ...

రాత్రి అయ్యింది. నువ్వు లేవు
అర తెరచిన కిటికీ
రెక్కలు: ఏవేవో చప్పుళ్ళు ...

రాత్రి అయ్యింది. నువ్వు లేవు
మంచుముద్దై
చంద్రుడు, దూది మబ్బులు

రాత్రి అయ్యింది. నువ్వు లేవు
ఇక మరి గోళ్ళతో
గీరీ గీరీ, గూట్లో ఓ పావురం

మెసిలితే, తిరిగి సర్ధుకుంటే

రాత్రి అయ్యింది. నువ్వు లేవు -
ఇకేం చేయలేక,
నిన్ను తలుస్తో మరెవరో,

ఓ దుప్పటిని పాదాలకు పైగా
ముఖం మీదకు
లాక్కుని, ఓ దీవెన కింద

అట్లా, నిదురే పోయారు!