a little love*

- అది ఒక తొవ్వ -

అద్దంలోని సీతాకోక చిలుకలు అవి: మన ప్రేమలు-
     వెన్నెల తడితో మెరిసే పెదాలు: అవి.
     - మన ప్రేమలు -

- ఇది ఒక కలల పచ్చిక -

వాన చినుకులలోని రాత్రి పరిమళాలు అవి: మన ప్రేమలు -
     మన కళ్ళల్లో చేరే రహస్య శబ్ధాలు: అవి.
     - మన ప్రేమలు -

ఇలా
(ఎవరు రాసారు వీటిని?
ఈ నీటిని?ఈ కన్నీటిని?
వొద్దు)

- నీ పదాలు. ఇక చించివేయి నిఘంటువులను -

నా నాలికను నీ నాలిక
అందుకున్నాంక ఇక
ఎవరికీ కావాలి, ఈ

|అర్థ|
|నగ్న
మైన|

అర్థాలు? -
-------------------------------------
- దుస్తులు వేసుకున్నాక ఒక 'కవిత' -