- మనMe -

- మాట్లాడని దీపం ఒకటి, నీ వంటి కాంతితో -
     మసి నిండిన రాత్రిలోకి.
అప్పుడు నీ అరచేతులు

మాట్లాడే పూవులు -  నన్ను నవ్వే పూవులు -
     ప్రతిధ్వనులు.చినుకులు
చిగురించిన వేళలలో
చిన్నగా కదిలి, ఆగే

- పూరేకులు. మసక వెన్నెల ముళ్ళు. రెండు
     వేళ్ళ మధ్య నిన్ను ఎవరో
నులిమిన వాసనలు
నా లోకాలని ఊపేసే

నీ లోలకాలు.
పురాగాధలు-
 
అయినా ఎవరూ రారు ఇక్కడికి: చీకటి రెక్కలు
     రిఫ్ఫున వీచే, సీతాకోక
చిలుకల రెక్కలూగి
ఆగిన చోటకి.అలసిన

ఆమన చోటకి/తోటకి /అలలా

విలపిలిపించే ఆ కోట వద్దకి -

అందుకని

O One
O Blue one
Oh Blue blue One of the None

No.
Don't open
the door

- Of you, of me -
- Of you and me -

Look
Lock
Look

- కుత్తుక తెగి నీ గుమ్మంలో రాలి, తల ఎత్తి, ఆఖరి
     పదశ్వాసతో నీ వైపు చూసే
ఒక పావురాన్ని

ఇక ఇప్పటికి. మనం.  వచ్చేటప్పటిkey.