కొన్నిసార్లు

ఏం చేస్తావంటే
ఇంటి ఆవరణలో కూర్చుని, చీకటి నీళ్ళల్లో కాళ్ళు మోపి
వాటిని కదుపుతూ అలా వాటి శబ్ధాన్ని వింటూ ఉంటావు

మరి అప్పుడు నీ పక్కన
ఒక విశ్వమంత ఖాళీ.

పైనుంచి అప్పుడప్పుడూ గాలి. గలగలమంటో  రాలతాయి
వేపాకులు, చుక్కల్లా. ఇక

నీ చిక్కల్లా ఏమిటంటే ఈ
రాత్రి దాహానికీ, దాహపు
శరీరానికీ త్రాగేందుకు ఓ

బీరైనా లేదు తోడుగా, చల్లగా అని కూర్చుని మాట్లాడుకుంటావ్
నీతో నువ్వు అప్పుడు ఇలా:

'నీడలైన నీడలతో, నీడలు కాలేని నీడలతో నీడల వనమైనది
నువ్వే కానీ
అద్సరే కానీ

ఎందుకు చదువుతున్నావు నువ్వు దీనిని?'