ఎన్నోసారి?

చీకట్లో కూర్చుంటావు నువ్వు, ఒక చీకటి పుష్పపు
     చీకటి పరిమళాన్ని శ్వాసిస్తో
నీ కనురెప్పలపై మునివేళ్ళతో

తను నీకు బహుమతిగా అందించిన
చీకటిని రుద్దుకుంటో
     ఇలాగే అనుకుంటో: "భగవంతుడా -

ఎవరైనా వచ్చి, ఈ చీకటి పరదాలను తొలగించి 

ఈ శరీరంలో ఒక దీపం వెలిగిస్తే
ఎంత బావుండు".

PS: (అల్లా అనుకోవడం ఎన్నోసారో
అతని నిజంగా తెలియదు

అన్ని రాత్రుళ్ళు అలా ఎలా
గడిచిపోయాయో అతనికి
నిజంగా జ్ఞాపకం లేదు.

పోనీ గుర్తుందా మీకు? అతనెవరో
ఆమె ఎవరో?)